প্ৰশ্ন (ক): ‘শিশুলীলা’ পাঠটিৰ ৰচক কোন?

উত্তৰ: ‘শিশুলীলা’ পাঠটিৰ ৰচক হ’ল শ্ৰীমন্ত শংকৰদেৱ।

প্ৰশ্ন (খ): শিশুলীলা কবিতাটি ক’ৰ পৰা সংগ্ৰহ কৰা হৈছে?

উত্তৰ: শিশুলীলা কবিতাটি শ্ৰীমন্ত শংকৰদেৱ বিৰচিত ‘কীৰ্তন ঘোষা’ পুথিৰ অন্তৰ্গত ‘শিশুলীলা’ খণ্ডৰ পৰা সংগ্ৰহ কৰা হৈছে।

প্ৰশ্ন (গ): যশোদাই কি মথিছিল?

উত্তৰ: যশোদাই দধি (দৈ) মথিছিল।

প্ৰশ্ন: কৃষ্ণই কি কৌশলেৰে দধি-মথা নাদৰ পৰা লৱণু চুৰি কৰিছিল?

উত্তৰ: কৃষ্ণই লৱণু চুৰি কৰি মাক যশোদা ঘৰৰ কামত ব্যস্ত থকাৰ সুযোগ লৈ, উৰালত উঠি শিঁকত থোৱা হাড়িৰ পৰা লৱণু উলিয়াই আনিছিল। তেওঁ নিজে খাইছিল আৰু বান্দৰবোৰকো খুৱাইছিল।

প্ৰশ্ন: ব্যাখ্যা কৰা: "ভয়ে জগতৰ পতি ত্ৰাস।"

উত্তৰ: উক্ত কথাফাঁকি আমাৰ পাঠ্যপুথিৰ অন্তৰ্গত শ্ৰীমন্ত শংকৰদেৱ বিৰচিত ‘শিশুলীলা’ পাঠৰ পৰা লোৱা হৈছে।

ইয়াত কবি শংকৰদেৱে কৃষ্ণৰ মানৱীয় লীলা আৰু তেওঁৰ সৰ্বশক্তিমান স্বৰূপৰ এক বৈপৰীত্য দাঙি ধৰিছে। যিজন ভগৱানৰ ভয়ত সমগ্ৰ জগত কম্পমান থাকে (যেনে— যম, বতাহ, সূৰ্য সকলোৱে যাৰ নিৰ্দেশ মানি চলে), সেইজন জগতৰ পতিয়ে আজি মাক যশোদাৰ হাতত বেত দেখি ভয়ত কঁপিছে।